Təcrübəli həkim-oftalmoloq uzun illərdir göz xəstəliklərinin diaqnostika və müalicəsi sahəsində fəaliyyət göstərir. Azərbaycan Tibb Universitetini fərqlənmə ilə bitirmiş, Z. Əliyeva adına Elmi-Tədqiqat Göz Xəstəlikləri İnstitutunda internatura və kliniki ordinatura keçərək oftalmologiya üzrə ixtisaslaşmışdır. Peşəkar fəaliyyəti dövründə Türkiyə, Rusiya və Hindistanda ixtisasartırma kurslarında və cərrahiyyə sessiyalarında iştirak etmiş, katarakta cərrahiyyəsi, eksimer lazer, retina və lazer prosedurları üzrə geniş təcrübə qazanmışdır. Uzun illər müxtəlif klinikalarda çalışaraq göz xəstəliklərinin müayinəsi, müalicəsi və müasir oftalmoloji əməliyyatların icrası ilə məşğul olmuşdur.